Skip to content
- Гадаадад зорчиход анхаарах зүйлс        - Монголын иргэд хилийн чанадад зорчих визийн нөхцөл        - Visa application form
МОНГОЛ УЛСЫН ЕРӨНХИЙЛӨГЧ НОРВЕГИЙН ВАНТ УЛСЫН ЕРӨНХИЙ САЙД НАР УУЛЗАВ PDF Хэвлэх И-мэйл
Мэдээ - ЭСЯ-ны мэдээ
Бичсэн stockholm   
2012 оны 10-р сарын 16, Мягмар гариг, 13:41
There are no translations available.

Норвегийн Вант Улсад айлчилж буй Монгол Улсын Ерөнхийлөгч Цахиагийн Элбэгдорж тус улсын Ерөнхий сайд Енс Столтенбергтэй уулзав. Уулзалтын эхэнд Монгол Улсын Ерөнхийлөгч Монгол орны нийгэм эдийн засаг, улс төрийн байдлын талаар товч танилцуулаад байгалийн баялгаас олсон орлогыг Норвеги улс төрийн өмчит компаниудын оролцоотойгоор хэрхэн амжилттай хуримтлал болгон “тэтгэврийн сан” бүрдүүлж байгаа талаар сонирхов. Мөн сэргээгдэх эрчим хүч, усан цахилгаан станцын талаар Монгол Улс Норвегийн туршлагыг судлах зорилготой байгааг дурдлаа.

Дэлгэрэнгүй...
 
МОНГОЛ УЛСЫН ЕРӨНХИЙЛӨГЧ НОРВЕГИЙН ГАДААД ХАРИЛЦААНЫ САЙДЫГ ХҮЛЭЭН АВЧ УУЛЗАВ PDF Хэвлэх И-мэйл
Мэдээ - ЭСЯ-ны мэдээ
Бичсэн stockholm   
2012 оны 10-р сарын 16, Мягмар гариг, 14:49
There are no translations available.

Монгол Улсын Ерөнхийлөгч Ц.Элбэгдорж Норвегийн Вант Улсын Гадаад харилцааны сайд Эспен Барт Эйдэг хүлээн авч уулзав. Гадаад харилцааны сайд Э.Б.Эйдэ хэлэхдээ “Норвеги улс нь гадаад бодлогодоо хүний эрх, ардчиллыг дэмжихийг гол зарчмаа гэж үздэг бөгөөд Монгол Улс ч хүний эрх, ардчиллын чиглэлд сүүлийн 23 жилийн дотор асар их амжилт олсон байна. Манай хоёр орны ардчиллыг бэхжүүлэхэд чиглэсэн энэхүү нийтлэг үнэт зүйл цаашид улам бүр амжилтад хүрнэ гэдэгт итгэлтэй байна. Монгол, Норвеги хоёр улсын хувьд түгээмэл ажиглагдаж буй нэг зүйл нь газрын баялаг, түүнийг олборлохтой холбогдсон асуудал юм. Нэг зүйлийг онцлон хэлэхэд Норвеги улсад газрын тос, байгалийн хий илрэн улмаар олборлох үед бидэнд түүнийг ухаалгаар зөв захиран зарцуулах дэд бүтэц нь болсон хууль журам, шударга ёс, сайн засаглал тогтсон байсан. Хэрвээ байгалийн баялгаа ашиглах мөчид манай оронд сайн засаг тогтоогүй байсан бол бид ийм ажмилтыг бүтээж чадахгүй байх байсан. Тиймээс Монгол Улс өөрт тулгарсан сорилтыг даван туулж баялаг бүтээхийн тулд сайн засаглалыг хөгжүүлэх, шударга ёсыг тогтоох, авлигатай тэмцэх салбарт тууштай анхаарч ажиллаж байгааг бид бүх талаар дэмжиж байгаа” гэв.   

Дэлгэрэнгүй...
 
МОНГОЛ УЛСЫН ЕРӨНХИЙЛӨГЧИД НОРВЕГИЙН САНГИЙН САЙД БАРААЛХАВ PDF Хэвлэх И-мэйл
Мэдээ - ЭСЯ-ны мэдээ
Бичсэн stockholm   
2012 оны 10-р сарын 16, Мягмар гариг, 14:55
There are no translations available.

Норвегийн Вант Улсад албан ёсны айлчлал хийж буй Монгол Улсын Ерөнхийлөгч Цахиагийн Элбэгдоржид тус улсын Сангийн сайд Сигбөрн Ёонсен бараалхаж хоёр орны эдийн засгийн харилцааг өргөжүүлэх болох Норвегийн хөгжилд нөлөөлсөн зарим асуудлын талаар дэлгэрэнгүй ярилцав.

Норвегийн Сангийн сайд хэлэхдээ “Анх 1969 оны шинэ жилийн өмнөхөн манай улс хойд тэнгисээс газрын тос болон байгалийн хий олдсон тухай мэдээ ирснээр манай улсад ашигт малтмалын олборлолттой холбоотой түүх эхэлсэн. Улмаар 1974 онд дээрх баялгийг хэрхэн ашиглах тухай хөтөлбөрөө парламентад оруулсан бөгөөд бид нэгдүгээрт, дээрх баялаг бол ард түмний өмч, хоёрдугаарт энэ баялаг нь бидний ирээдүй, үр хүүхдүүдийн маань өмч, гуравдугаарт, олсон мөнгөөрөө улс дотроо, хилийн чандад санхүүгийн зах зээл, олон улсын түвшинд ашигтай бизнест хөрөнгө оруулалт хийж “үржүүлнэ” гэдэг зарчмыг тогтоож чадсан. Ер нь төсөв алдагдалтай байвал ирээдүй үеэ өрөнд оруулж байна гэсэн үг. Бидний өмнө ирээдүй үеэ өрөнд оруулах уу эсвэл ирээдүй үедээ өв баялаг үлдээх үү гэсэн асуулт гарч ирсэн. Бид ирээдүй үедээ баялаг үлдээхээр шийдсэн” хэмээлээ.

Сүүлд шинэчлэгдсэн: 2012 оны 10-р сарын 16, Мягмар гариг, 14:58
Дэлгэрэнгүй...
 
МОНГОЛ УЛСЫН ЕРӨНХИЙЛӨГЧИД НОРВЕГИЙН ПАРЛАМЕНТЫН ДЭД ЕРӨНХИЙЛӨГЧ БАРААЛХАВ PDF Хэвлэх И-мэйл
Мэдээ - ЭСЯ-ны мэдээ
Бичсэн stockholm   
2012 оны 10-р сарын 16, Мягмар гариг, 13:46
There are no translations available.

Норвегийн Вант Улсад албан ёсны айлчлал хийж буй Монгол Улсын Ерөнхийлөгч Цахиагийн Элбэгдоржид тус улсын парламент буюу “Стортинг”-ийн Дэд Ерөнхийлөгч Ахтар Шаудри бараалхав. Уулзалтын эхэнд Стортингийн Дэд Ерөнхийлөгч “Хүний эрх, эрх чөлөөг дээдэлсэн нийтлэг үнэт зүйл бүхий Монгол Улсын Ерөнхийлөгч манай парламентад зочилж буйд талархал илэрхийлье” гэлээ.
Монгол Улсын Ерөнхийлөгч хэлэхдээ “Манай хоёр улс дипломат харилцаа тогтоосноос хойш хоёр орны парламент хоорондын харилцаа маш идэвхтэй хөгжиж ирсэнд баяртай байдаг. Өнгөрсөн хугацаанд, 1990 оноос хойш хоёр улсын парламентын тэргүүнүүд харилцан айлчилж өдгөө энэ харилцаа улам бүр бэхжиж байгаа нь сайн хэрэг” гээд 2012 оны зургаадугаар сард болсон УИХ-ын сонгуулийн үр дүн, Монгол Улсад өрнөж буй шүүх эрх мэдлийн шинэчлэлийн талаар дэлгэрэнгүй танилцуулав.

Дэлгэрэнгүй...
 
МОНГОЛ УЛСЫН ЕРӨНХИЙЛӨГЧИД НОРВЕГИЙН ҮЙЛДВЭР, ХУДАЛДААНЫ САЙД БАРААЛХАВ PDF Хэвлэх И-мэйл
Мэдээ - ЭСЯ-ны мэдээ
Бичсэн stockholm   
2012 оны 10-р сарын 16, Мягмар гариг, 14:58
There are no translations available.

Монгол Улсын Ерөнхийлөгчид Норвегийн Вант Улсын Үйлдвэр, худалдааны сайд Т.Гиске бараалхав. Тэрээр хэлэхдээ бид төрийн өмчтэй компаниудын хувьцааг хариуцдаг бөгөөд “Баялгийн тусгай сан”-гийнхаа хөрөнгө оруулалтыг хийхдээ нэг компанийн хувьцааг ихэвчлэн 1 хувь, хамгийн дээд тал нь 3 хүртэлх хувиар эзэмшдэг. Одоогийн байдлаар тус улсын Баялгийн сангаас хилийн чанд дахь 8-9 мянган компанийн 1-2 хувийн хувьцааг эзэмшиж байна гэлээ.  Мөн өнөөгийн Норвегийн томоохон компаниуд яагаад төрийн мэдэлд байдаг вэ гэхээр тэдгээрийн ихэнх нь олон жилийн өмнө үүссэн байнга ашигтай ажилладаг учраас хувьчлах шаардлагагүй гэж үздэг хэмээн Үйлдвэр, худалдааны сайд хэлэв.

Сүүлд шинэчлэгдсэн: 2012 оны 10-р сарын 16, Мягмар гариг, 15:00
 
<< Эхлэх < Өмнөх 21 22 23 Дараахи > Төгсгөл >>

Хуудас 23-с 21

Холбоос