Шведэд Монголын түүх, соёл, ахуй амьдралд холбогдох олон мянган үзмэрүүд хадгалагдаж байна.

Нийтдээ 10 мянга гаруй эд зүйлс, 500 орчим гэрэл зураг, 300 гаруй баримт бичиг, өөр олон зүйлс сайтад ил тавигджээ. Дараахь холбоосоор орж сонирхсон зүйлээ “mongoliet” гэж хайгаад, үзэж харж болохнээ.

Дэлхийн соёлын үндэсний музейнүүд (Швед)

Өчигдөрхөн (2018.04.23) Музейн удирдлага, судлаачидтай ЭСЯ-аа төлөөлөн уулзалдаж хамтран ажиллах бололцооны талаар санал солилцов. Энэ үеэр Монголд холбогдох ховорхон үзмэрүүдийг тусгайлан бэлтгэж үзүүлсэнд талархаж байна.

Mrs. Ann Follin, Director General, National Museums of World Culture,

• Бурханы зураг

19 дүгээр зууны үеийн бурханы зураг. Дэлхийн олон газар иймэрхүү зургийг сэргээн засварлах маягаар явдаг.

Шведэд  ийм зургийг аль болох анхдагч байдлаар нь хадгалахыг эрмэлздэгээрээ ялгаатай гэв.

Энэхүү бурханы зураг түвдийн  зургуудаас ялгаатай монгол зураг гэж тайлбарлаж байв. 

• Хэт хутга

Хэт нь пааландсан эмжээртэй, хутганы хэмжээ нь ердийнхөөс урт зэргийг харахад гоёл, ёслолын зориулалттай байсан боловуу гэж тайлбарлав.

• Гавлын ясаар хийсэн аяга

Аяганы  суурийг ихэвчлэн мөнгө болон бусад металлаар хийсэн байдаг. Модоор хийсэн энэ хийцийг монголынх гэж тайлбарлав.

• Ятга хөгжмийн зэмсэг болон малгай

Эдгээр үзмэрүүдийг  монгол хийц гэж үзэж байгаа гэв.

• Монгол ном

Монгол бичгээр бичсэн үлгэр, яруу найрагийн номууд Шведийн чухал үзмэрт ордог хэмээв.

• Суварга

Энэхүү суваргыг монгол хийц гээд дотроо ном, эд зүйлсийг агуулж байгаа гэдгээ сөхөж харуулав.

Шведийн музейнүүдэд хадгалагдаж байгаа монголын соёлд хамаарах эд зүйлсийг аль болох дижитал хэлбэрт оруулах ажил хийгдэж байгаа бөгөөд нийт үзмэрүүдийн 70 орчим хувь нь сайтад фото зураг, тайлбартайгаар нээлттэй болжээ.

Музейд хадгалагдаж байгаа монгол номыг орчуулж нийтийн хүртээл болгох тал дээр Монгол, Шведийн талууд хамтран ажиллаж болохоор санагдав.

Солонгосчууд Шведийн талтай хамтарч солонгосын соёлд хамаарах  үзмэрүүдийн фото зургуудыг шинээр 3D 360 градусын өнцгөөр харж болох “THE KOREAN DATABASE PROJECT” төсөл хэрэгжүүлж байгаа юм байна. Санаа авууштай.

Музейн үзмэрүүдийг нийтийн хүртээл болгоход орчин үеийн мэдээллийн технологийг ашиглах асуудал нэн чухал болсныг дээрх эрхэмүүдтэй хийсэн уулзалт харууллаа.

2017 оны 11 дүгээр сарын 8-ны өдөр Шведийн Вант Улсын Гадаад хэргийн сайд хатагтай Маргот Валстрём Монгол Улсаас Шведийн Вант Улсад суугаа Онц бөгөөд Бүрэн Эрхт Элчин сайд М.Энхсайханыг ГХЯ-нд хүлээн авч уулзав.

Монгол Улсын Ерөнхийлөгчийн сонгуулийн 2 дахь шатны санал авах ажиллагаа 7 дугаар сарын 4, 5-ны өдрүүдэд тус ЭСЯ-ны байранд явагдах болсон тул уг өдрүүдэд иргэдэд консулын үйлчилгээ үзүүлэхгүй, гагцхүү иргэдээс материал хүлээн авна.

СТОКГОЛЬМ ДАХЬ МОНГОЛ УЛСЫН ЭЛЧИН САЙДЫН ЯАМНЫ ДЭРГЭДЭХ СОНГУУЛИЙН САЛБАР КОМИСС ДУГААР 30

Сонгуулийн 2 дахь шатны санал авах ажиллагааг хилийн чанадад 7 дугаар сарын 4-ний өдөр зохион байгуулах тухай СЕХ-ны өмнө гаргасан тогтоол хүчингүй болж, тус хорооны 2017 оны 6 дугаар сарын 28-ны өдрийн 43 дугаар тогтоолоор 7 дугаар сарын 4, 5-ны өдрүүдэд зохион байгуулахаар тогтов.

Иймд тус ЭСЯ-нд санал өгөхөөр бүртгүүлсэн, ОӨУБЕГ-аас баталгаажуулан ирүүлсэн нэрсийн жагсаалтад багтсан 176 иргэн 2017 оны 7 дугаар сарын 4-ны өдрийн Мягмар гараг, 5-ны өдрийн Лхагва гарагт орон нутгийн цагаар 07.00 – 22.00 цагийн хооронд ЭСЯ-ны байранд өөрсдийн гадаад паспорт, цахим иргэний үнэмлэх /ЭХ ХУВЬ/-тэйгээ хүрэлцэн ирж дахин саналаа өгнө үү.

Жич:

- Монгол Улсын Ерөнхийлөгчийн 2017 оны сонгуулийн хоёр дахь санал хураалт явагдах болсонтой холбогдуулан шинээр иргэдийг бүртгэхгүй,

- Сонгуулийн үйл ажиллагаатай холбогдуулан иргэдийн шилжилт хөдөлгөөний бүртгэлийг хаасан байгаа тул тус ЭСЯ-нд бүртгүүлж, баталгаажсан нэрсийн жагсаалтад багтсан иргэд зөвхөн тус ЭСЯ-нд санал өгөх боломжтой болохыг анхаарна уу.

Баталгаажсан нэрсийн жагсаалтыг эндээс харна уу.

СТОКГОЛЬМ ДАХЬ МОНГОЛ УЛСЫН ЭЛЧИН САЙДЫН ЯАМНЫ ДЭРГЭДЭХ СОНГУУЛИЙН САЛБАР КОМИСС ДУГААР 30