Skip to content
- Гадаадад зорчиход анхаарах зүйлс        - Монголын иргэд хилийн чанадад зорчих визийн нөхцөл        - Visa application form
ИРГЭДИЙН АНХААРАЛД! PDF Хэвлэх И-мэйл
Бичсэн stockholm   
2018 оны 9-р сарын 12, Лхагва гариг, 08:50
There are no translations available.

Монгол Улсын иргэн гадаадад хувийн хэргээр зорчих, цагаачлах тухай хуулийн 9.5 -д “Гадаадад удаан хугацаагаар болон цагаачлан суугаа Монгол Улсын иргэн тус улсын дипломат төлөөлөгчийн болон консулын газарт хаягийн бүртгэл хийлгэж байх үүрэгтэй” гэж заасан байдаг. Энэхүү хуулийн заалтын хэрэгжилтийг хангах зорилгоор ГХЯ, ХЗДХЯ, ҮСХороо хамтран гадаадад оршин сууж байгаа Монгол Улсын иргэдийг бүртгэх програм боловсруулан нэвтрүүлээд байна.

Хилийн чанадад оршин суугаа Монгол Улсын иргэдийн бүртгэл мэдээллийг бий болгож, тогтмолжуулснаар иргэдийн эрх, ашиг сонирхлыг хамгаалах, эрх нь зөрчигдсөн тохиолдолд хууль, эрх зүйн туслалцааг шуурхай үзүүлэх, иргэний бүртгэл, нотариатын болон консулын үйлчилгээний хүртээмж, чанарыг сайжруулах суурь мэдээллийн санг бий болох ач холбогдолтой юм.

Иймд иргэн та доор дурдсан хаягаар орж бүртгэлд хамрагдана уу.

http://www.citizen.gov.mn/

Та өөрийн мэдээллээ бүртгүүлэхээс гадна, мэдээллээ засварлах, мөн гадаадад хамт амьдарч буй гэр бүлийн гишүүдээ бүртгүүлэх боломжтой.

Та бүртгүүлэхдээ өөрийн олон нийтийн сүлжээ болох Facebook мөн Google account-ын хаягаар орж бүртгүүлэх боломжтой.

Мөн Та Үндэсний статистикийн хорооноос олгож буй Монгол улсын хэд дэх иргэн болж мэндэлснийг тань гэрчлэх батламжийг авах боломжтой.

Сүүлд шинэчлэгдсэн: 2018 оны 9-р сарын 19, Лхагва гариг, 14:00
 
МОНГОЛ, ФИНЛАНДЫН ЗАСГИЙН ГАЗАР ХООРОНДЫН КОМИССЫН АРВАНГУРАВДУГААР ХУРАЛДААН БОЛОВ PDF Хэвлэх И-мэйл
Бичсэн stockholm   
2018 оны 9-р сарын 11, Мягмар гариг, 17:52
There are no translations available.

Монгол, Финландын Засгийн газар хоорондын эдийн засаг, шинжлэх ухаан, техник, нийгмийн хамгааллын хамтын ажиллагааны комиссын XIII хуралдаан 2018 оны 9 дүгээр сарын 7-нд Хельсинки хотноо амжилттай болж өндөрлөв.

Тус комиссын хуралдааныг монголын талаас Хөдөлмөр, нийгмийн хамгааллын дэд сайд С.Мөнгөнчимэг, финландын талаас Гадаад хэргийн яамны гадаад худалдаа эрхэлсэн дэд сайд Маркку Кейнонен нар даргалан хоёр талын албаны хүмүүс оролцов.

Комиссын хуралдаанаар хоёр орны хамтын ажиллагааг эдийн засгийн өсөлт, тогтвортой хөгжлийг хангах чиглэлээр боловсрол, тогтвортой байгаль орчин, уул уурхай , ой, сэргээгдэх эрчим хүчний салбарт болон нийгмийн тэгш, хүртээмжтэй өндөр настан болон хөгжлийн бэрхшээлтэй иргэдийн үйлчилгээний чиглэлээр хамтран ажиллах, туршлага солилцох, байгууллага хоорондын хамтын ажиллагааг өргөжүүлэх, Финландын Ухаалаг эрчим хүчний хөтөлбөрт хамрагдах боломжийг судлах, хот суурин газрын байгаль орчны бохирдлыг бууруулах, ариун цэврийн байгууламжийн асуудлыг шийдвэрлэх чиглэлээр Финландын ногоон технологийн дэвшлийг Монголд нутагшуулахад дэмжлэг үзүүлэх, харилцан хамтын ажиллагааг өрнүүлэхээр хоёр тал харилцан тохиролцов.

Засгийн газар хоорондын эээлжит хуралдааны дүнгээр хоёр талын ажлын хэсгийн дарга нар протоколд гарын үсэг зурав.

 

Сүүлд шинэчлэгдсэн: 2018 оны 9-р сарын 11, Мягмар гариг, 17:59
 
ШИНИЙГ САНААЧЛАГЧ ЗАЛУУЧУУДЫН ЧУУЛГА УУЛЗАЛТ БОЛОВ PDF Хэвлэх И-мэйл
Мэдээ - ЭСЯ-ны мэдээ
Бичсэн stockholm   
2018 оны 8-р сарын 21, Мягмар гариг, 07:14
There are no translations available.

Швед дэх Монголын залуучуудын холбооноос санаачилан ”Шинийг санаачлагч залуучуудын чуулга уулзалт-2018” арга хэмжээг Гарааны бизнес ба түүнийг тойрсон боломж бололцоо сэдвийн хүрээнд 2018 оны 8 дугаар сарын 16-17-ны өдрүүдэд Стокгольм хотноо амжилттай зохион байгуулав. Уг арга хэмжээг тус Элчин сайдын яамнаас дэмжиж, хамтарч ажиллав.

Чуулга уулзалтын үеэр "Биднийг амжилт руу хөтөлдөг хамгийн чухал хүчин зүйл" сэдвээр ”Soyokaze” рестораны захирал О.Батжаргал, "Орчин цагийн блокчейний хандлага" сэдвээр Дижитал шинжээч, энтерпрэнер Н.Наяр, "Гарааны бизнес - Хөрөнгө оруулалт татах боломжууд ба зарим анхаарах зүйлс" сэдвээр Монгол улсаас Шведийн Вант улсад суугаа ЭСЯ-ны Худалдаа эдийн засгийн зөвлөх Б.Батцэцэг, "Гарааны бизнесийн шинэлэг санаанууд" сэдвээр Л.Нандинчимэг нар илтгэл тавьж, хэлэлцүүлэг өрнүүлэв. Мөн Швед улсын шинэ санаа, шилдэг технологийг нэвтрүүлэгч hem.com, Form Us With Love design studio, SaltX technology зэрэг компаниудаар зочлон, үйл ажиллагаатай нь танилцав.



Сүүлд шинэчлэгдсэн: 2018 оны 8-р сарын 23, Пүрэв гариг, 06:55
 
ИРГЭДИЙН АНХААРАЛД! PDF Хэвлэх И-мэйл
Мэдээ - ЭСЯ-ны мэдээ
Бичсэн stockholm   
2018 оны 7-р сарын 06, Баасан гариг, 15:05
There are no translations available.

Нийтээр тэмдэглэх баярын болон тэмдэглэлт өдрүүдийн тухай хуулийн 4.1.1. дэх заалтыг үндэслэн Үндэсний их баяр наадам, Ардын хувьсгалын ойн баярын өдрүүд болох 2018 оны 7 дугаар сарын 11-13-ны өдрүүдэд Монгол Улсаас Шведийн Вант Улсад суугаа Элчин сайдын яам амарна.

 

 

NOTICE!

The Embassy will be closed due to National Holiday of Mongolia during July 11-13, 2018.

 

Embassy of Mongolia in Stockholm

 

 

 

Сүүлд шинэчлэгдсэн: 2018 оны 7-р сарын 06, Баасан гариг, 15:07
 
“ЧИНГИС ХААНЫ ТАЛ НУТАГ-МОНГОЛЫН НҮҮДЭЛЧИД” ТУСГАЙ ҮЗЭСГЭЛЭН ДАНИЙН ҮНДЭСНИЙ МУЗЕЙД НЭЭЛТЭЭ ХИЙЛЭЭ PDF Хэвлэх И-мэйл
Бичсэн stockholm   
2018 оны 6-р сарын 22, Баасан гариг, 11:16
There are no translations available.

Данийн Үндэсний Музей, Аархус хотын Угсаатны зүйн “Моосгард” музей хамтран зохион байгуулсан “Чингис Хааны тал нутаг-Монголын нүүдэлчид” тусгай үзэсгэлэн 2018 оны 6-р сарын 18-ны өдөр нээлтээ хийлээ.

Уг үзэсгэлэнд Данийн аялагч, угсаатан судлаач Хэнинг Хаслунд Кристенсений 1920-30-аад онуудад хийсэн судалгаа, угсаатны эд өлгийн цуглуулгын дээж болох 1240 орчим үзмэр, Монголын Үндэсний музей, ШУА-ийн Түүх, Археологийн хүрээлэнгийн 13-р зууны эд хэрэгсэл, түүхэн олдворуудыг багтааж, орчин үеийн дижитал технологийг ашиглан олон нийтэд сонирхолтой байдлаар Монголын нүүдэлчдийн соёл иргэншил, Чингис Хааны дэлхийг эзэлсэн түүхэн үйл явдлыг дэлгэн харуулжээ.

Үзэсгэлэнгийн нээлтийн үеэр Данийн Моосгард музейн захирал Mads Kähler Holst хэлсэн үгэндээ “Монгол Улс-Данийн Вант Улс хооронд дипломат харилцаа тогтоосны 50 жилийн ойн босгон дээр дэлхийг байлдан дагуулагч Чингис Хааны тал нутаг, нүүдэлчдийн аж амьдралын талаар, эдгээрийг одоог хүртэл хадгалан өвлөж ирсэн ард түмний түүхэн, сонирхолтой үзэсгэлэнг Нордикийн оронд анх удаа гаргаж байгаадаа нэн таатай байгаагаа илэрхийлээд цаашид хамтарч ажиллах, судалгааны чиглэлээр хамтын ажиллагааг өрнүүлэх чухал алхам боллоо” гэж цохон тэмдэглэв. Мөн тэрбээр энэхүү үзэсгэлэнг зохион байгуулахад гүн туслалцаа, дэмжлэг үзүүлсэн Монгол Улсаас Шведийн Вант улсад суугаа ЭСЯ-ны хамт олон, БСШУСЯ, Монголын Үндэсний музей, ШУА-ийн Түүх, археологийн хүрээлэн зэрэг хамтран оролцсон талуудад талархаж байгаагаа илэрхийлэв.

Монгол Улсаас Шведийн Вант улсад суугаа Элчин сайд М.Энхсайхан тус үзэсгэлэнгийн нээлтэнд хэлсэн үгэндээ “Өнгөрөгч хугацаанд Монгол Улсыг бүхий л талаар дэмжиж ирсэн Данийн Вант Улсын Засгийн газар, Данийн нийт ард түмэнд гүн талархлаа илэрхийлье. Данийн Вант Улс нь Монгол Улстай дипломат харилцаа тогтоосон анхны Өрнөдийн ардчилсан улсуудын нэг бөгөөд Монгол, Дани хоёр улс нь ардчилал, хүний эрх, хуулийн засаглал, тогтвортой хөгжлийн зорилт зэрэг нийтлэг үнэт зүйлс дээр суурилсан баялаг түүхэн харилцаатай улсуудын нэг билээ.

Түүхэн баримтуудаас харахад “The Great Northern Telegraph” нэртэй Данийн компанийн барьж байгуулсан телеграфийн шугам нь Бээжин, Их Хүрээ, Санкт-Петербургийг холбон Лондон хүрсэн байдаг бөгөөд үүний ачаар Нью Йорк Таймс сонины 1911 оны 12 дугаар сарын 28-ны дугаарт “маргааш Богд хаан тэргүүтэй Монгол нь тусгаар тогтнолоо зарлан тунхаглах гэж байна” гэсэн жижигхэн нийтлэл гарч байсан нь тохиолдлын зүйл яав ч биш юм. “Чингис Хааны тал нутаг-Монголын нүүдэлчид” үзэсгэлэнг зохион байгуулахад сэтгэл зүтгэлээ нэгтгэсэн Moesgaard музейн удирдлага, эрдэмтэд судлаачид, нийт хамт олонд чин сэтгэлийн халуун баяр хүргэе” гэв.

Мөн тус үзэсгэлэнд Монгол Улсын ШУА-ийн Түүх, археологийн хүрээлэнгээс түрээслэн Данийн музейд анх удаагаа дэлгэн, олны хүртээл болгож буй 13-р зууны үеийн морьтон цэргийн булш /сүлжээтэй үс, хумс, шүд, нум сум, тухайн үед хэрэглэж байсан эд хэрэглэлтэйгээ олдсон/ олны анхаарлыг ихэд татаж, Даний музейн удирдлагын зүгээс ихээр олзуурхан цаашид мумиг судлах, судалгаанд хамтран оролцох хүсэлтэй байгаагаа илэрхийлэв.

Сүүлд шинэчлэгдсэн: 2018 оны 6-р сарын 22, Баасан гариг, 11:30
 
<< Эхлэх < Өмнөх 1 2 3 4 5 6 7 8 9 10 Дараахи > Төгсгөл >>

Хуудас 25-с 1

Холбоос